Chittarin zeneize 1881/517 Diallogo

Da Wikivivàgna
Chittarin zeneize de Martin Piaggio
Diallogo
diallogo fra o sciô Regiña e 'n çerto Giœumo, attô, in ocaxon da so benefiçiata


[p. 517 modifica]

DIALOGO 1



R. Sciô Giêumo?... ohu ohu! sciô Giêumo? E dove scià camminn-a?
G. Chi è mai costui che chiama?
R. Chi o l'é? son mi Reginn-a.
G. Addio, Regina, appunto di te veniva in traccia.
R. Son chì; ma ûn pö ciù adaxo, pä che scià vadde a caccia.
   Cöse scià me comanda?
G. Saprai che la serata
Del Falcone stasera è mia beneficiata,
E che....

[p. 518 modifica]

R. Scià taxe.
G. Come?
R. Sò tûtto.
G. Ma non quello....
R. Ghe diggo che sò tûtto, ho letto zà o cartello.
G. Ma lasciami parlare!
R. Questa scì ch’a l’é vaga!
Sò ascì che per fa scagge 2 scià m’ha misso ä Mäpaga.
Ma scià creddieiva foscia 3 fâ ciù dinæ che mi?
G. Chi sa?... Potrebbe darsi...
R. Oh nô....
G. Forse che sì....
R. Per mi, treì bravi amixi han scrïto ûnn-a commedia,
E Uscià 4 cöse scià dà?
G. Hai letto? Una tragedia
Del celebre Avelloni.
R. Ma mi gh’aveiva ûn prologo.
G. Io le darò una farsa che può dirsi monologo,
Scritta per me di fretta da penna genovese.
R. A sä quarche strofoggio.
G. Il pubblico è cortese,
Saprà ben compatirla.
R. Questo scià dixe ben,
Ma mi g’ho fæto vedde, ballâ scinn-a i villen.
Uscià i Grotteschi solo.
G. È ver, ma ti prometto,
Che si sorpasseranno ballando il lor quintetto.

[p. 519 modifica]

R. Teatro sciâ n’illûmina?
G. Ma lasciami parlare!...
R. Presto, scià no me càreghe?
G. Che tu possa crepare!
È dove ti aspettavo... Saranno illuminati
I palchi tûtti quanti, e assai bene addobbati.
R. Sciô Giêumo, a seja a costa....
G. Taci ch’or viene il bello.
R. Mi m’han bûttôu i sûnetti.
G. Ed io più di un uccello
Farò volar quà e là, finchè non posi in grembo
Di qualche bella Venere.
R. (O sorve quarche zembo).
Scià ê lesto?
G. No signore.
R. Comme? ûnn’ätra menestra?
G. Dei miglior professori si accrescerà l’orchestra...
R. Per cöse fâ? (Mincioni! o dà ciù assæ che mie).
G. Per far sentir di Mayer le belle sinfonie...,
R. Quello da Lodowiska!.... Sciô Giêumo, scià è ûn fillon,
Scommetto che sta seja scià fa scciûppâ o Falcon.
G. Sarei ben fortunato se, come te, Regina,
Facessi una gran piena; se il Ciel me la destina,
Compiuti son miei voti....
R. Ghe diggo che de çerto,
Sciô Giêumo, scià fa Indie.
G. Sarà contro il mio merto.

[p. 520 modifica]

R. Ognûn va a-o mëgio vive e çerca o manco spende.
G. Dici belle, ma pure....
R. Ma scià no s’invexende,
Dove scià vêu che vaddan a spende, cribolinna!
Ciù mëgio che a-o Falcon sta seja ûnn-a lietinn-a?
Tragedia, farsa e ballo, soin, lûmmi, e di pîpî,
Ven finn-a i orbi a vedde e i sordi a stâ a sentî.