Chittarin zeneize 1881/511 Sunetto
| ←Sunetto | Chittarin zeneize de Sunetto - a-o Camillo Scîgoi, 1827 |
Cançon→ |
SÛNETTO 1
Chi no vedde no credde e chi no sente
Persûade maiciû a-o mondo no se pêu,
Comme treì parmi e mezo de figgiêu
Sêunne o violin coscì sûperbamente!...
O l'é ûnn-a cösa proprio sorprendente,
Ûnn-a mäveggia da giornâ d’anchêu.
O l'imbalsama, o tocca e arroba i chêu,
E fa restâ de princisbècche a gente.
Pä imposcibile in coscì fresca etæ
Manezzâ coscì ben l'arco e o violin,
E lëze tante notte indemoniæ.
Se o va de questo pê, da chì a ûn pittin
O fâ a barba a-i Sûnnoei ciû rinomæ,
E o diventa ûn secondo Paganin.2
.jpg)