Chittarin zeneize 1881/497 Sunetto

by Martin Piaggio

←Sunetto

Chittarin zeneize de Martin Piaggio Sunetto - a-o Checco Righetti

Ringraçiamento→

SÛNETTO ¹

Ghe vorrieìva ûnn-a corba de sûnetti
Per poeì descrive tûtti per menûo
I meriti do sciô Checco Righetti,
Caratterista nobile çernûo;

Dappertûtto ben visto e ricevûo,
Distinto fra i attori ciù perfetti,
Per bravo autô da-i dotti conosciûo,
D’ogni pittin de lê parla i fûggetti.²

Bella presensa, nobiltæ d’azion,
Arte, natûa, memöia sorprendente,
In ogni parte o seria o bûffa bon.

Ma per mi parla o pûbblico eloquente,
Che insomma quando agisce Righetton
S’ascäda o teatro e ciù applaudî se sente.