Chittarin zeneize 1881/473 Sunetto

Da Wikivivàgna
Chittarin zeneize de Martin Piaggio
Sunetto
pi-a primma de I pericoli di un'imprudenza do Loigi Marcheize


[p. 473 modifica]

SÛNETTO 1



Bravi!.. bravi davveì! ch’eì recitôu[sic]
Ciù mëgio ancon che i comici paghæ;
Brava Miglietta! eì fæto ben da moæ,
Con quello vostro Enrico n’eì toccôu;

Brava, servetta! dove eì mai piggiôu
Tanto fêugo che tûtti ne strinæ?
E voî, sciô Çelle, tanta abilitæ
Per fâ da mascarson, che son restôu?

Bravo o sciô Rosacûta chi sa fâ
Ben o majo e l’amigo, e o sciô Banchê
Ben da vëgia rançiann-a inveninâ!

Bravi Berto, Riccardo e o locandê,
Ciù bravo chi v’ha fæto reçitâ,
Ch’o l’é Luigi Marcheise... e o no pä lê.


[p. 474 modifica]