Chittarin zeneize 1881/463 Sunetto

by Martin Piaggio

←Brindixi

Chittarin zeneize de Martin Piaggio Sunetto - a Garibbo e Scotto

Sunetto→

SÛNETTO ¹

Sento per tûtto Zena parli fâ
Da vostra nêuva bella institûzion
Chi v’acquista ûnn-a gran ripûtazion
Per o vostro bon moddo d’insegnâ

Franzeise, in primmo lêugo, ben parlâ,
Ciù caratteri scrive a perfezion,
Disegno, abbaco, stöia, ballo e son,
E, a chi è dagaeso, finn-a tiâ de spâ;

I vostri elogii in ta Gazzetta ho letto
Che onoran tanto i meistri che i stûdenti,
E ûn vostro amigo ve i fa c’ûn sûnetto.

Oh scì!... Martin ch’o sa che fæ portenti,
O sbraggia ciù ch’o pêu in linguaggio sccetto:
Viva Garibbo e Scotto, e i sò elementi!