Chittarin zeneize 1881/431 Sunetto

by Martin Piaggio

←Sunetto

Chittarin zeneize de Martin Piaggio Sunetto - a-o Manoælo G.

Martelien→

delongo a-o mæximo Manoælo G. che dopp'in meize da-o so maiezzo o mandò a l'aotô un pachetin con quattr'onçe de "çinque".

SÛNETTO ¹

Che bella cösa a-o mondo ëse sposoeì,
Çercâse ûnn-a donnetta per compagna
Chi seggie d’ûnn’etæ ciù tösto stagna,
E l'ommo manco ciù do primmo peì!

Mæ, cäo Manuello, voî che ve gödeì
Pe-a tersa votta zà questa cuccagna,
Che ûnn-a figgia eì piggiôu chi vä ûnn-a Spagna,
Dïme voî, dâ se pêu ciù gran piaxeì?

Ah! viva o matrimonio, e viva Amò!^[sic]
Viva chi piggia ciù d’ûnn-a moggê!
Viva a vostra sposâ che a pä ûnn-a sciô!

Ah! possæ tanti mascci aveì da lê
Quante sûccotti verdi ascäda o sô,
E figge?.... quante nosse ² ëa in to pappê.