Chittarin zeneize 1881/39

by Martin Piaggio

←Sunetto

Chittarin zeneize de Martin Piaggio Sunetto - A-o Bærtomê De Lucchi

Sunetto→

L'Aotô in letto co-e morœüdi a l'amigo Bærtomê De Lucchi ch'o no l'anava mai a trovâlo

SÛNETTO¹

L'é trei giorni che son ridûto in letto,
Con quattorze sanguette in to panê!...
Ho visto tûtti e a voî ghe vêu ûn sûnetto
Per veddive ûn pittin, nèh! Bertomê?

Me l’ho quæxi pe-amâ, ve o diggo sccetto,
Dove seì stæto?... Sempre a fâ l'amê?...
O dunque a pacciûgâ qualche segretto
Pe-o dô de denti, comme fa Levrê?... ²

Eî forse vendegnôu?... fæ forse o vin?
No saesci miga ancon drento da tinn-a
A pestâ, comme fa i figgiêu piccin?...

Mi so che a Borsa a Banchi a l'é piccinn-a,³
Ch’eì tempo d’andâ ûn pö a trovâ Martin...
Vegnï, dunque, sentieì che remansinn-a!