Chittarin zeneize 1881/157 Sunetto

by Martin Piaggio

←Epitaffio

Chittarin zeneize de Martin Piaggio Sunetto - una partia a scacchi tra Lucaçço e Attico

Brindixi→

(L) = Lucaçço, (A) = Attico, (R) = Regiña

SÛNETTO¹

(L) Sitto moscin!
(A) Nisciûn parpelle
(R) Attenti
    A questi scacchezzanti duî campioin:
    Ûn grande e grosso, e l’ätro ben piccin
    Che se bàttan con tûtti i sentimenti.

Bravo Lûcasso! co-i sò sorveventi ²,
    Bravo, Attico! ben misso o cavallin...
(A) Scacco ä reginn-a...
(L) Oh comme scià è bibbin!
    Scacco a-o sò rè!
(R) Ma bravi! fan portenti.

(A) M’intôro...
(L) E mi me pitto sta pedinn-a,
(A) Mi me mangio l’alfiere,
(L) Scià l'è guerso?
   Scacco a-o rè,
(A) Scappo
(L) E dove?
(A) Andiö in cuxinn-a.

   Scacco a-o sò rè, o l’è matto....
(L) E da che verso?
(A) Ûnn-a svista...
(L) Ûnn-a balla... Sciô Reginn-a,
   Scià ghe fasse o sûnetto ch'o l'ha perso.