Cava in to remoin 1930/RELATIVITAE
| ←Edûcazion in famiggia | In to remoin de Relativitae |
Ö lûtto pe-a môggê→ |
RELATIVITAE
– Ti creddi de serrâ, a ciave a gïa,[1]
e ti me lasci invece a porta averta,
saieva questo ö sûgo da scöverta
che vêu fâ credde Einstein co-a sêu teorïa.
Ti trêuvi, per esempio, a têu Maria
con ûn amigo in letto sott'a côerta,[2]
che a te tradisce te pä cosa çerta
e invece a stava là pe cortexïa.
Ti presti çento franchi a ûn conoscente
che te promette dâtei de segûo,
invece no te rende ûn aççidente
e te fa ancon pe-a stradda ö muro dûo.
In fin, te invito a beive da-o Valente...
– E pago mi a bottiggia?... Te salûo!...