Cava in to remoin 1930/EDÛCAZION IN FAMIGGIA
| ←E delizie dö vexinato | In to remoin de Edûcazion in famiggia |
Relativitae→ |
EDÛCAZION IN FAMIGGIA
Figgio de 'na carogna d'ûn can marso,
brûtto battôzo, porco e pellandron,
te vêuggio fâ ballâ co-a corda ûn svarso[1]
perchè ti impari ûn pò d'edûcazion.
Che te piggiesse a-o chêu mezo aççidente,
quando ti dorvi a bocca pe parlâ...[2]
Sacramencia, davvei, che in faccia a-a gente
ûnn-a bella figûa ti me fae fâ.
Zà, pe 'n Cristo! ti moîsci sördo e mûtto,
ti n'assemeggi manco a-i mae stivae;
çent'öte te l'ho dito, o muro brûtto,
no vêuggio aveî pe-a cà di maedûchae...
Ase, schifoso, sioto, farabûtto,
piggia esempio da mî che son têu pôae!