Cava in to remoin 1930/FELIÇITAE
| ←A balenn-a | In to remoin de Feliçitae |
Ö barbê politicante→ |
FELIÇITAE
No fasso pe vantäla, a mae Ginetta,
a me vêu ben, a dixe, da moî;
a me s'attacca cömme ûnn-a sanguetta
e a me costrinze sempre a dî de sci.
De votte a me fà ûn pö a ritrosetta,
a me gïa e spalle, a finze de dormî;
ma se prometto faghe i 'na robetta
a ridiventa dôçe da no dî.
Mi son feliçe e lë a l'é contenta,
godîmmo ö paradiso de l'amô;
a sêuxoa a nostra paxe a no tormenta
e i nostri painti se ne stan da lö.
Però 'na cosa söla a me spaventa:
i conti da moddista e dö sartô!