Cava in to remoin 1930/A-I TRÊUGGI
| ←Necrölogio | In to remoin de A-i trêuggi |
Rigordi... amai→ |
A-I TRÊUGGI
Zôeninn-a, ammiae, serchaeve ûn âtro trêuggio;
m'hei faeto l'aegua neigra diventâ...
Son strasse cö colöre dö pighêuggio,
âtro che «biancheria» da rûxentâ!
E a g'hà i pissetti ancon, ammiaela gente!
i trasparenti, e cette, i farballâ!...[1]
Portaeve via 'sta roba rûzzinente,[2]
andaeghe ûnn'âtra votta a fâ a bûgâ!...
O ve ne vegne a voî, bella cösinn-a?...
No staeme ûn po' ciû e mìcere a sciûgâ...[3]
Se voî no sèi, so a figgia da Morinn-a,
e poco g'hei con mî da mogögnâ.
Vègiassa, a mî!?... Piggiae, brûtta sguanzinn-a,[4]
figgia de tûtti i avansi de l'ûspiâ!...
Ciappaeve 'ste maschae da-a man mancinn-a,
e andaevele da-o Pappa a fâ levâ!...