Bolle de savon/Sûnetto elettorale
| ←O Caffè Romma | Bolle de savon de Sûnetto elettorale |
Pe-o "Cavagnetto" a-i sordatti zeneixi→ |
Zeneixolli, l'é tempo d'ëse adesci;
no stâ a grattäse e cu..., beneitossae!
e, se no voeì passâ pe tanti nesci,
andâ tûtti a votâ driti asbriae.
Gh'é i reciammi che cantan a stramesci?
gh'é o cacciôu con pellêua, sorchetto e rae?
Fae o moscio: - dove andaetu? - porto pesci;
e ammiae a lanterna, comme fà i majnae.
Ma o dî: mi staggo a vedde e me bäsigo,
a questi ciaei de lûnn-a o l'é ûn nonsenso:
se voeì vegnîne a cäo de sto rebigo,
stae a sentî: mi ve-a dìggo comme a penso:
dae o voto, senza ammiâ in faccia all'amigo,
a quelli c'han quattr'onçe de bon senso.
1920