Berio m.r. II 1.6/O pascio/27
| ←26 | Berio m.r. II 1.6 - O pascio Como gi fo daito a beive felle amarissimo mesihiao cun mirra, cun axeo, e cun fel, et como l'anima santisima se partì dallo corpo. |
28→ |
| transcriçion do Pierenea Goarnê za pubricâ into Giornale Ligustico XX do 1893 tra parentexi quaddre s'azonze e tra parentexi rionde s'esponze, in corscivo e ligatue |
Et cossi stagando, echame uegnir un chi aduxeiua in man uno uassello, lo quar si era pin de mirra pesta monto ama(ra)rissima chi era de ysopo mesihiao cun axeo e cun fel, e lantora si preixen una cana, e ssi bagnali la sponza inter lo uasiello, e poa si llo missen alla bocha de christe, e quando ello l aue gustao, si lo lasa star per grande amarituden che aueiua. Et lantora si guarda inuer lo ciel e si disse, O paire me celestial per che m ai tu cossi abandonao, e non me resta piu peina chi non sea uegnua in mi, zomai e [o] consumao ogni cossa per la qual tu me mandasti. In le toe mayn paire e u arecomando lo spirito me. quando lo nostro segnor aue compie queste parole, incontenente l anima se parti da lo corpo, e si se ne ze allo limbo onde eran li santi pairi, e lo so beneito corpo si romaxe su la croce cossi flagellao e tormentao cossi como ello era, e de prexente lo sol se ascuri, e la terra si trema fortementi & una grande tenda chi era in lo templo si se rompi per mezo, e lli morimenti si se aurin, et monti corpi santi chi eran morti si resuscitan e uegnen in ieruxalem e ssi aparsen a monte gente, & li si era uno homo qui se ihamaua Centurion qui era segnor delli caualier lo quar aueiua menao christe sun la croxe, e quando questo Centurion uide questi segnai chi eran aparsui in lo cel, e in la terra si se spauenta monto, et disse, ueramenti questo homo chi era aora morto si era figior de deo uiuo.