Berio m.r. II 1.6/Lode sacre/22
| ←21 | Berio m.r. II 1.6 - Lode sacre 22 - Della Passion de Iesu Criste. |
23→ |
| transcrito e pubricao da V. Crescini e G. D. Belletti into Giornale Ligustico X, 1883 |
Pianze Maria cum dolor,
che g'è tolto lo so amor.
1.
Et ella lo vi preixo e ligato:
lo me fijor delicato
alla colona l'àn ligato
como se ello fosse un lairon.
2.
Quando vegne alla hora matutina,
elli gi den tar disciplina,
che elli gi rompin ogni venna,
lo sangue correr a gran furor.
3.
Quando la croxe ello portava,
e dolenta derè i andava,
e fortemente e' criava:
daime la croxe, o doce amor.
4.
E' ve vego si penare:
lassa, non ve posso ayare,
non me posso consolare
senza voi lo me Segnor.
5.
O fijor me, chi me v'à morto
a peccato et a si gran torto?
Oimè, lassa, lo cor de lo corpo!
E' si moiro per voi, doce Segnor.