Berio m.r. II 1.6/Lode sacre/21
| ←20 | Berio m.r. II 1.6 - Lode sacre 21 - Lo lamento de Maria Madalena de la passion de Criste. |
22→ |
| transcrito e pubricao da V. Crescini e G. D. Belletti into Giornale Ligustico X, 1883 |
1.
Cum voi pianzo, Madareina,
cum voi pianzo in compagnia,
che alla croxe voi pianzesti
cum la vergen Maria.
2.
Maria pianze Madareina,
tuta pinna de gran peina,
che lo so doce amor se meina
alla croxe in questa dia.
3.
Criste la croxe portava,
fuora de Ieruxalem andava,
la Madareina lagremava
cum la dona in compagnia.
4.
Criste sun la croxe po stava;
la Madareina gi aguardava,
pianzando forte si criava:
et questo lo to fijor, Maria,
chi le peccae ne perdonava,
et lo mondo illuminava,
et li morti resuscitava?
Oimè, trista in questa dia!
5.
O Zoane evangelista,
comforta in poco questa trista:
e questo è lo nostro maistro,
chi in Be-
tania vegniva?
Zoane respondeiva pianzando:
Madareina, non pianzi tanto!
Lassa pianze a mi dolento,
chi son lo peito gi dormia.
6.
Et la Madareina pu criava,
et la croxe ella abrazava;
allo so maistro aguardava,
chi per nostro amor moriva.