Çittara zeneize/Rimme villareççe/Stamattin tosto Amô
| ←Quando pe ro boschetto | Çittara zeneize - Rimme vilæçe de Stamattin tosto Amô |
Zà ro Çê se resccæra→ |
| Zena, Franchello, 1745 notte do Prien |
V.
Stamattin tosto Amô,
Per dâme un pò de gusto, m'ha mostrao
Ra mæ bella Lichiña pe ro prao,
Çercando scioî sarvæghe per sciorîse,
Descâça, e bella quanto posse dîse.
Ra ræna e ro baggetto
Ghe favan lì a ri pê ro conseggetto:
Comme un voreighe dî:
Bella, a che fâ de scioî?
Bertoñi tu ra Fera?
Te mancan scioî sarvæghe in sciù ra cera?