Çittara zeneize/Rimme villareççe/Quando pe ro boschetto
| ←Re scioî de questi proei | Çittara zeneize - Rimme vilæçe de Quando pe ro boschetto |
Stamattin tosto Amô→ |
| Zena, Franchello, 1745 notte do Prien |
IV.
Quando pe ro boschetto
Sciù ro carâ de l’ora
Ra mæ bella Lichiña se demora,
S’allegra ogni ærboretto;
Ro busco, per non ponzeghe ro pê,
S’arrósa, e ghe fa netto ro sentê.
Re scioî zà passe, e rente a fâ ra barba,
Fan festa, e se cren tutte ch’a sæ l’Arba,
Che lumme è questo? dixan tra de lô.
Torna foscia ro Sô?