Çittara zeneize/Rimme villareççe/Con ra barba canúa
| ←Queste lagrime chie | Çittara zeneize - Rimme vilæçe de Con ra barba canúa |
Pin de mille sperançe Amô me ghia→ |
| Zena, Franchello, 1745 notte do Prien |
X.
Con ra barba canúa
Tutta quanta giaççâ,
Bella, l’è chi Zenâ,
Chi batte con ri denti ra battúa.
Mi, mentre ognun se striña a ro carbon,
Bruxo, e suo a despeto dra saxon:
Che, avviao a ra giaçça dro tò cœu,
Ogni atra l'ho per giaçça da figgiœu.