Çittara zeneize/Rimme marinaresche/Pin de mille sperançe Amô me ghia
| ←Con ra barba canúa | Çittara zeneize - Rimme mainæsche de Pin de mille sperançe Amô me ghia |
Ra megio lesca, che moǽ fesse Dê→ |
| Zena, Franchello, 1745 notte do Prien |
I.
Pin de mille sperançe Amô me ghia
De scœuggio in scœuggio in questa secca e in quella,
Ricco de questa povera canella
Ciù che de quâ se vœugge Monarchia.
Con ra foscina in man comm’un’arpia
Staggo re nœutte intreghe in sentinella:
Pù sempre Amô me batte e me martella:
Dra mæ Maxiña o me domanda e spia.
Pá che apointo o me parle in questa meña:
E che sarà, Ballin, dro tò pescâ,
Quando ben ti pescassi ra baleña?
Se in questi scœuggi, onde ti fæ sâtâ
A son de foscinǽ ri pesci in freña,
Ciù che lô ti te sentì affoscinâ?