Çittara zeneize/Rimme marinaresche/Se ben che Amô, per aggiuttâ ra barca
| ←Questi córpi de foscina sì netti | Çittara zeneize - Rimme mainæsche de Se ben che Amô, per aggiuttâ ra barca |
Sciù ra çimma dro monte apeña sparega→ |
| Zena, Franchello, 1745 notte do Prien |
XV.
Se ben che Amô, per aggiuttâ ra barca,
Quand’o væ’ ro mæ cœu dent’ro provezzo,
Me va così porzando quarche ormezzo,
Per fâme per lantora cangiâ marca;
A ogni mœuo m’accorzo ch'o m’imbarca,
Che con tegnîme tanto a ro verezzo
A fá comme ra sâ dent’ro lavezzo,
A doggio me ra freiga e me ra carca.
Maxiña intanto, chi m'ha per l’agoggia,
Perchè no scappe da nisciuña maggia,
M’ingarbuggia re veire a orça e a poggia.
Ma si ben l’un’e l’atra me spennaggia,
Con mètteme ogni dì ra scagaboggia,
Vivo, e porto San Teremo a ra gaggia.