Çittara zeneize/Rimme marinaresche/Questi córpi de foscina sì netti

by Gian Giacomo Cavallo

←Oh che stelle! o che çê! che mâ de læte!

Çittara zeneize - Rimme mainæsche de Gian Giacomo Cavallo Questi córpi de foscina sì netti

Se ben che Amô, per aggiuttâ ra barca→

Zena, Franchello, 1745
notte do Prien

XIV.

Questi córpi de foscina sì netti,
Chi mandan, solamenti de fâ l’atto,
Ri pesci à parlâ subito a Pilatto,
Per quanto armǽ de mille corsaletti,

Se in paragon, Maxiña, ti ri metti
Con quelli dri tœu œuggi, oh che descatto!
Questi son comme a dî córpi de ciatto,
Quelli son córpi a pointe de stiletti.

Se questi son dri pesci ro terrô,
Quelli son ro terrô dri Crestien:
Fan cazze lì da parte dro Segnô.

Pensa aora, tíe ra vitta da chen,
Che a Ballin in sò vitta ha dæto Amô,
Chi d’atro che de lô non ro manten!