Çittara zeneize/Rimme marinaresche/Ra mæ Bella increscioza

by Gian Giacomo Cavallo

←Con arbô de Pareizo

Çittara zeneize - Rimme mainæsche de Gian Giacomo Cavallo Ra mæ Bella increscioza

Coroña a Nostra Scignoa→

Zena, Franchello, 1745
notte do Prien

XI.

Ra mæ Bella increscioza,
Spesso così per rie,
Ballin caro, a me dixe, vegni chíe,
Cantamene un poco uña a l’amoroza,
Mi, per fâra astiççâ,
Ghe diggo che hò perduo ro scigorâ.
Lê torna a voreim’onze:
Ma subito a se ponze,
Quando a vè che començo in sciù ra fin:
Ra mæ Bella amoroza comm’un zin.