Çittara zeneize/Rimme marinaresche/Questo magro avançuggio de battello
| ←Sciù ra çimma dro monte apeña sparega | Çittara zeneize - Rimme mainæsche de Questo magro avançuggio de battello |
Quando in ro fâ dro dì, bâgiando ancora→ |
| Zena, Franchello, 1745 notte do Prien |
XVII.
Questo magro avançuggio de battello,
Bon, ciù che da fâ atro, da desfâ,
Onde Ballin tra cianze e sospirâ
Se rompe aprœuo a scœuggi ro çervello,
Se ben, ciù che per scaffo de vascello,
Maxiña, o se pœu tosto battezzâ
Per retræto d’un’amora astronâ,
Da dî, Veitera lì tutta in strepello:
No te crei però moǽ de veiro a fin,
Finch’o navegherà per fregattiña
Con questa marca de Patron Ballin:
Che chi dixe Ballin, dixe Maxiña,
Maxiña segureçça dro camin,
Ra stella tramontaña dra mariña.