Çittara zeneize/Rimme marinaresche/Quando ammorta ro Sô ra sò candeira
| ←Queste secche sì comode e cianelle | Çittara zeneize - Rimme mainæsche de Quando ammorta ro Sô ra sò candeira |
Quest’ombrinotta ancon viva e freschissima→ |
| Zena, Franchello, 1745 notte do Prien |
XXV.
Quando ammorta ro Sô ra sò candeira
Sotta ro moccalumme dro Ponente,
Che ro dì scappa così bellamente,
Che ven ra nœutte a dâ ra boña seira,
Amô, chi no sa stâ s'o no me peira.
S'o no me dà ro mǽ tegnitamente,
Pâ che ra mæ Maxiña o m’apprezente;
Ch’o sa che no me saçio moǽ de veira.
Lì tanto o me solliçita e conseggia,
Per fâme cræ che ro mæ mâ m’è san,
Ch’o me caccia ro pugno intre l’óreggia.
Così, mentre o me carrega ra man,
Ri atri dorman, mi façço ra veggia:
Me gh’acciappa ro Sô de l’undeman.