Çittara zeneize/Rimme de diversi a ro Cavallo e risposte de esso/Quando mi assì, Cavallo, andava in Fera

←De l'Açæn e Risposta

Çittara zeneize - Rimme de diversci a-o Cavallo e risposte de esso De l'Açæn e Risposta

Do Borzon e Risposta→

Zena, Franchello, 1745
notte do Prien

Del Signor Luca Assarino al Cavalli. Quando mi assì, Cavallo, andava in Fera A piggiâ versi a cangio da re Muze, Fâva re mæ cançoin con belle ciuse, Per imitâ ro Tasso e ro Ciabrera. Aora che veggo ra gentî manera, Con ra quâ dent're rimme fǽ re fuse, No gh’è Scrittô nisciun (ognun me scuze) Chi posse stâ con voî da cera a cera. Cante chi vœu cantâ: mi no me curo D’intrâ, comme se dixe, moǽ ciù in ballo, Perchè de perde son ciù che seguro. Voî che a ri versi avei fæto ro callo, Cantǽ con chi se sæ, perchè ve zuro, Che a tutti ghe poei dâ un chinze e un fallo.

Del Cavalli Al Sig. Luca Assarino. Con lettera de credito per Fera, Dæta in Parnazo in camera dre Muze, Desteiza e regallâ con belle ciuze Da quello venerabile Ciabrera,[1] Ricco d’avei trovao forma e manera (Minera vossi dî) da fâ re fuze, Partì, fæto con tutte re mæ scuze, Apollo sarüao da cera a cera. Ma in Fera ódío ri ciù dî, No me curo, Pochi, Assarin, gustâ Muze ni ballo,[2] M’attacchei a negoçio ciù seguro. Foì Canzellê, servì, ghe fei ro callo: Se ben ra primma fæ’ mantegno e zuro, Confessando a re Muze ro mæ fallo.

1. Coll'elogio di ottimo Poeta, fattomi dal Chiabrera
2. Ma udendo nella Città la parte maggiore dir con disprezzo, Non mi curo di poesie; e pochi gustar le Muse, &c.