Çittara zeneize/Rimme çivî/Rossignœu

by Gian Giacomo Cavallo

←Rondaninetta

Çittara zeneize - Rimme çivî de Gian Giacomo Cavallo Rossignœu

Indie! tra mi crio→

Zena, Franchello, 1745
notte do Prien

V.

Rossignœu, che a son de centi
De lamenti
3Ti pertuzi ra boscaggia,
Che gran raggia,
Che gran spiña
6Te pertuza e t’assassiña?

Aelo Amô, che per bonombra
Forsi all’ombra
9Se trattegne sotte l’ara
Ra tò cara?
O’ martello,
12Ch’a te dagghe d’âtro oxello?

Se l'è questo ro tò sdegno,
Semmo a segno:
15No te manca compagnia:
Giroxia
Comme tîe,
18M’assassiña mi assîe.

Femmo donca a ra foresta
Dro mâ festa
21Tra ri treppi d’este ramme:
Ognun ciamme
Ra sò Bella,
24Ra battezze per rebella.

E se a caxo a no responde,
Se a s’asconde,
27Carreghemoghe ri panni
Con maranni:
Se a se mœuve,
30Ti ni mi no se descrœuve.

E se missa a l’aççimento,
Quarche cento
33Ghe notassimo ò sospiro:
Femmo un tiro:^[1]
Demmo un crio,
36Con pagâra d’un’addio.

1. Facciamone una, suoniamgliela, cioè, gridando per piacere d'averla mossa, piantiamola.