Çittara zeneize/Rimme çivî/Rondaninetta

by Gian Giacomo Cavallo

←Cærabella

Çittara zeneize - Rimme çivî de Gian Giacomo Cavallo Rondaninetta

Rossignœu→

Zena, Franchello, 1745
notte do Prien

IV.

Rondaninetta,
Che inançi giorno
3Grillarinetta
Pe ro contorno
Ti ciarli tanto,
6Ferma un tantin ro canto.

Ti sæ che l’ora
Dra mæ ciù cara,
9Quanto a desciâra,
No passa ancora.
Che fin t’indue
12Donca a fâra stâ sciúe?

Forsi ro fǽto,
Perchè, increscioza,
15Fastidioza,
S’eri a m’ha dæto
Un dì de spiñe,
18Ancœu che a m’assassiñe?

O’ pù per gusto,
Che Amô, chi ingrascia,
21Chi se sganascia
Dro tò desgusto,
Agge ra pesta
24De veite in tanta festa?

Taxi, pestummo,
Che ri tœu centi,
27Ri tœu lamenti
Ghe san de fummo.
Lê se ne rîe:
30Ti no dormi, ni mîe.