Çittara zeneize/Rimme çivî/Patî per gove
| ←Partença per Mariña | Çittara zeneize - Rimme çivî de Patî per gove |
Cærabella→ |
| Zena, Franchello, 1745 notte do Prien |
II.
Patî per gove.
Pu’ che Amô me faççe vei,
Oeuggi belli desperǽ,
Quelli sguardi un dì cangǽ,
4Onde poei,
Se vorei,
Fâ ri cœu resuscitǽ:
Sæ per mi ra pietǽ morta,
8No m’importa.
Seime rigidi in barcon,
Se me vei pe ra contrâ;
In re vegge fǽme fâ
12L’arbicon:
Stǽme in ton,
Sença mœuve o parpellâ:
Pertuzǽme a ogni momento:
16Son contento.
Gusterò d’esse giasciao
Pe re bocche dri çitten,
D’esse fóra dri mezzen,
20Ballezzao,
Mordiggiao,
Comme apointo da ri chen:
D’esse a tutti ro soraçço,
24Ro scovaçço.
Ma se un dì me compatî,
Che cangǽ con mi latin,
Che mi monte sto scarin
28De poei dî,
Che aggradî
Ri mæ stenti in sciù ra fin:
Oh che amareghi ben speizi!
32Che Pareizi!