Çittara zeneize/Rimme çivî/Partença per Mariña

by Gian Giacomo Cavallo

←Minetta, in questo pointo façço invô

Çittara zeneize - Rimme çivî de Gian Giacomo Cavallo Partença per Mariña

Patî per gove→

Zena, Franchello, 1745
notte do Prien

CANÇOIN

I.

Partença per Mariña.

Partî da ra sò vitta,
Cara Bella, oh che morte!
3A Carta ò Calamitta
Confiâ ra sò sorte,
Oh che affanno! oh che vive,
6Duro da immaginâ, no che da scrive!

Parto, ve lascio, oh Dio!
In quenti squarçi e parte
9L’añima in dîve addio
Se me straçça e se parte!
Uña stiçça d’inciostro
12Comm’è bastante a dî quanto son vostro?

Son vostro, oh Bella cara;
Sarò vostro in eterno.
15L’añima in ogni cara
Farà vitta d'inferno.
Larga da ri vostri œuggi,
18Che farâla de care ni de scœuggi?

Frusta, languida, smorta,
Da tutt’ore dolente
21L’ódirei lì a ra porta
Spirito impaçiente
Repricâve in presença
24Quello che a ve protesta aora in partença:

Che a voî sola nasciua,
Per voî sola a respira:
27Che ro lœugo ch’a mua,
No porrà moǽ partîra
Da ro sò proprio lœugo,
30Da voî, fœura dra quâ l'è dent’ro fœugo.

Ma zà sento ro tiro.
Cangio ro canto in centi:
33Mando questo sospiro:
Vaggo pe ri mæ venti.
Amô, che bella festa?
36Comme posso partî, se ro cœu resta?