Ro Chittarrin/Per ra signora Annetta de Amicis

by Steva de Franchi

←In lode dra famosissima signora Lucreçia Aguiari

Ro Chittarrin, o sæ strofoggi dra muza de Steva de Franchi Per ra signora Annetta de Amicis primma donna

À ro merito sorvegrande dra signora Lucreçia Aguiari→

Per ra Signora Annetta de Amicis, che sosten con applauso universale ra parte de Primma Donna in ri doî Drammi l'Adriano in Siria, e l'Alessandro in India à ro Teatro dro Falcon in ra Primaveira dell'anno 1769.
SONETTO.

Comme cantan dro Çê ri Angeretti,
Nisciun ommo dro mondo ro pœu dî.
Ma voî, Signora Annetta, fæ capî
L'idea de quelli genii benedetti:

Massime quando fæ çerti groppetti,
Che fan strasecolâ, che fan stupî,
Megio assæ che ro çigno int'ro morî,
Cos'aveivo int'ra gora? ri organetti?

Cadençe che incantæ ne fan restâ,
Misse de voxe, trillo, portamento,
Viva açion, tutto in voî se pœu contâ.

Ra vostra voxe è un campanin d'argento;
E i Teatri d'ancœu pœuran vantâ
D'avei non un'attriçe, ma un portento.