Ro Chittarrin/A l'è da fâ mâ prò, che un passaggê
| ←Non ve porei mai cræ, bella Maxiña | Ro Chittarrin, o sæ strofoggi dra muza de A l'è da fâ mâ prò, che un passaggê |
Minetta, mi ve sbrigo presto presto→ |
A l'è da fâ mâ prò[sic], che un passaggê,
Stuffo da ro viaggio, e squæxi morto,
O l'arrive à ra vista fin dro porto,
E poi degghe tornâsene inderrê.
O s'abbandoña, e o non se rêze in pê:
O perde ra sperança dro conforto;
E meschin chi ro guarda un pittin storto!
Perchè o s'amoiña mæximo de lê.
Così à mi m'è seguío. Da Coronâ
Eri mi son vegnúo tutto affannao
À Zena per poreive un pò parlâ.
Ro boccon int'ra góra[sic] m'è restao;
Che Romma ho visto: e cose n'ho da fâ?
Se sença vei ro Pappa son tornao.