Ro Chittarrin/À ra signora Catariña Gabrielli

by Steva de Franchi

←In lode dro sig. capitan Lorenço de Fer

Ro Chittarrin, o sæ strofoggi dra muza de Steva de Franchi À ra signora Catariña Gabrielli primma donna

In lode dra famosissima signora Lucreçia Aguiari→

À ra Signora Catariña Gabrielli, che sosten con universale applauzo ra parte de Primma Donna in ri doî Drammi ra Niteti e l'Alessandro nell'India à ro Teatro de S. Agostin l'anno 1758.
SONETTO.

Viva e viva ra brava Gabrielli!
Cose gh'hala int'ra gora? i Rossignœu?
Sento che un dixe, a và à toccâ ro cœu;
A gh'ha un nío de Canarii e de Frenguelli.

Oh che voxe soave, e netti e belli
Trilli, sgœuri, graçiette! e chi mai pœu
Montâ sto bordo? A fà quello che à'^'[sic] vœu:
Non gh'è arrivao Faostiña ò Farinelli.

Da un cò dro mondo all'atro, dixe Zena,
Nisciun sorve de voî porta ro vanto,
Decoro dri Teatri, ónô dra scena.

E se sostegnirà, che à quest'incanto
Non ghe reze ni Orfeo ni ra Sirena.
Parlemmo sccetto, questo è un vero incanto!