Ra cittara zeneize 1636/Un dentexotto de tre lire apuinto
| ←torna a l'èndexo | Ra cittara zeneize de Amoî Mainæschi |
Un mirion de Care intra Marinna→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Un dentexotto de tre lire apuinto
Sotta re pare our'oura m'è vegnuo
A fi d'oeggio, in scappa, per bezeguo
Con un corpo de fossina l'ho puinto.
Finche l'è fresco ancon com'un arinto
De fatene un prezente m'è parsuo;
Questo, Maxinna Cara, è ro me suo
D'unna noette perdua de tutto puinto.
Ra raxon vuoe ch'ò te se caro assæ;
Primma con vei che un povero pescou
Per tì nò stagghe manco con dinæ.
Mà chiù assæ con mettete in me grou,
Con vei che son per tì, come tì sæ,
Ro retræto d'un pessio affossinou.