Ra cittara zeneize 1636/Stamattin tosto Amó
| ←torna a l'èndexo | Ra cittara zeneize de Madregæ boscæsci |
Za ro Cè se reschiæra→ |
| Zena, Gioxeppe Pavon, 1636 |
Stamattin tosto Amó
Per dame un pó de gusto m'hà mostrou
Ra me Bella Lichinna pe ro prou
Cercando scioí sarvæghe per sciorise
Descasa, e bella quanto posse dise;
Ra Ræna, e ro Baggietto
Ghe favan lì à ri pè ro Consegietto,
Come un voreighe dí,
Bella à che fá de scioi,
Bertonni tù ra fera?
Te mancan scioí sarvæghe in sciù ra chiera.