Ra cittara zeneize 1636/Questo pané de dattari marin
| ←torna a l'èndexo | Ra cittara zeneize de Amoî Mainæschi |
In questa Cara, e scoeggi si reduti→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Questo pane de dattari marin,
Coverto à posta fæta d'orifuoeggi
Nò senza quarche lagrime à ri oeggi
A Maxinna oura invia ro sò Ballin.
A forsa de scopello stamatin,
Le mesmo ri ha cavæ de dentri scuoeggi
Se supprica, Maxinna, che ti voeggi
Gradi ro don; considera ro fin.
Pa strannio assæ ch'un scoeggio chi n'è vivo,
Paragonou con ro tò cuoæ de tie,
Sæ mille votte chiù caritativo.
Ven dunca à fate vei che l'è cosie
L'orofuoeggio in trionfo, e in donativo
A ro to cuoe chiù duro che re prie.