Ra cittara zeneize 1636/Questo pa de Nazelli de cinque effe
| ←torna a l'èndexo | Ra cittara zeneize de Amoî Mainæschi |
Quando Maxinna, solo d'affassase→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Questo pa de Nazelli de cinque effe
Desferræ da ro lammo in questo puinto
In paragon dri quæ perde l’arinto,
A segno ta che ognun se ne fà beffe.
Se ben, per esse ancuoe pesci à bezeffe,
Vegnan à esse, pe ro mesmo cuinto,
Donativo da fane poco cuinto,
Da reportane ro ma, e re beffe.
Ballin, chi moæ però nò desconfia
Dra sò Maxinna, bench'ò fesse un fallo,
Come fruta de scuoeggi ò ghe ri invia.
Quanto à ra contraziffra dro regallo;
Se supprica ammerma tanta rouxia,
Chi merita zoemoæ chiù che un cavallo.