Ra cittara zeneize 1636/Quanto chiù me despoeggio manco sato
| ←torna a l'èndexo | Ra cittara zeneize de Amoî Çivî |
Minetta, me ne vaggo quanto posso;→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Quanto chiù me despoeggio manco sato
Annima mæ che compassion è questa,
Che fassæ profession d’havei ra testa
Dura chiù che re legne dell'appato ?
Che me tegni ro morro così ato
In ogni mæ giustissima requesta,
Che voggiæ sempre che ve vegne in questa
Come se fuissi ro mæsmo Senato?
Che staghe nuoette, e dì con re moen zuinte
Pregando senza moæ veime exaudio,
Passando à son de chienti re strapuinte.
E c'haggiæ vuoi ro cuoe sì incancario
De voreime redue dro tutto in ninte?
Giexo, misericordia de Dio.