Ra cittara zeneize 1636/Quando veggo Zaninna à ro barcon

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Servî

Quanto chiù de Zaninna diggo, e scrivo→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Quando veggo Zaninna à ro barcon
     O fuoe de caza à fa quarche servixi,
          Me gh'accosto con di, Zaninna amixi,
          Crua muoevite un giorno à compassion.

Ghe vaggo à cicciorando ra raxon
     Che in cangio d'esse fræ semmo innemixi,
          Le se ra passa in quattro fatti rixi
          Com'à di ti travaggi à ro Ponton.

Mille votte ro dì me metto in posta
     Per veira da rescozo in quarche luoego
          Poero un chi aspiete lettere à ra Posta.

E chiù viva à me pa che n'è ro fuoego;
     E chiù rossa à me pa che ra composta;
          E chiù bella à me pa che ro Confuoego.