Ra cittara zeneize 1636/Possi tù luxi tanto che ti schiatti
| ←torna a l'èndexo | Ra cittara zeneize de Amoî Çivî |
Me cuoe quanto chiù miro ro retræto→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Possi tù luxi tanto che ti schiatti,
Lunna desgratia, Lunna Cornua
Che per fate chiù chiæra, e chiù oggiua,
Me crou che tutta infin ti te sgaratti.
In tò bon'hora quando ti scorratti,
Chi, e li pe ri boschi bella nua,
Chi te ven à cerca cuoetta, ne crua,
Se ti væ in gattixon come ri gatti?
Chi ven à nastussa cose ti fassi
Se con ro tò chiù caro ti te govi,
Se ti træ bon tempo, e se ti sguassi?
Lunna troppo importunna ti m'inchiovi
Tutto ro ben dro Mondo, ti m'ammassi;
Zuoemoæ fatte chiù neigra che ri Crovi.