Ra cittara zeneize 1636/Me cuoe se ben per vuoi son dentre picche

Da Wikivivàgna
Ra cittara zeneize de Gian Giacomo Cavallo
Amoî Çivî
Zena, Gioxeppe Pavon, 1636
In corscivo e ligatue. Gh'amanca i acenti aguççi.


[p. 20 modifica]

Me cuoe se ben per vuoi son dentre picche
Ond'Amo, dì e nuoette m'assequæra,
Hò ro cuoe largo com'unna tortæra,
Chi me conseggia che no me bosticche.

Ogniun pe ra Cittæ mæ fa re ficche;
Tutto ro Mondo se ne fà gazæra;
Mi fasso dro me ma festa, e bombera,
Rio per no parei che me ne picche.

Anzi quando quarchun se n'[a]scramanna,
Digho che in vuoi no ghe[sic] corpa nissunna,
Che me son lamentou de gamba sanna.

Dezinganno re gente à unna à unna,
M'inganno mì d'anda troppo à ra chianna.
Di vuoi se son taggiou de bonnalunna.