Ra cittara zeneize 1636/Me cuoe, ben veggo che ro stave à fá
| ←torna a l'èndexo | Ra cittara zeneize de Amoî Çivî |
Quando ro Só comensa à tramontá→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Me cuoe, ben veggo che ro stave à fa
Ra tintinolla aprueo, ro chianzorin
L'è tutto tempo perso, e in sciù ra fin
Che ro tutto in un ninte hà dà spara.
Che vuoi sei bella votta ond'hei d'anda
Fasse pù quanto sò ro piggogin,
Che se ve fesse mille pellegrin
A ri pe sciù ra fin v'ho da crova.
Ma che posso chiù fa? Zà sento all'osso.
Zuoemue ra freve in vitio desernuo;
Zà vuoi m’havei troppo possesso addosso.
Haverò fæto quello, c'ho possuo;
Sarò scuzo, dirò se chiù no posso
Patientia, Minetta n'hà vossuo.