Ra cittara zeneize 1636/Dro torto, che receivo in questo Mondo
| ←torna a l'èndexo | Ra cittara zeneize de Amoî Çivî |
Donna, megio dirò se digho stria,→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
Dro torto, che receivo in questo Mondo
A ro tò Magistrato Amo m'appello;
Crio giustitia à gora de lavello
Dro me pati, chi n'hà ni fin ni fondo.
Muoevo à pietæ l'abisso chiù profondo
Con questo me cruissimo maxello:
Ri sassi à son de lagrime strepello:
Ra terra sott'e sovera confondo.
Giudica tì, mà con man giusta, e netta
L’ingiustitia d’un tanto desbaratto,
Chi demanda à ro Ce sangue e vendetta.
Mà che spera dà tì forma, ò recatto?
Giudice, chi n'ha testa, ni berretta?
Ah' nescio che stravannio, e che son matto.