Ra cittara zeneize 1636/Comensa amarelede insciù ro bricco

by Gian Giacomo Cavallo

←torna a l'èndexo

Ra cittara zeneize de Gian Giacomo Cavallo Amoî Boscæsci

In questo mæsmo dì, chi corre ancuoe→

Zena, Gioxeppe Pavon, 1636
In corscivo e ligatue. Gh'amanca i acenti aguççi.

Comensa amarelede insciù ro bricco,
A feri de mattin ro primmo Arbo,
Che subito à rò cuoe me batte Amo
Con quarche purgatoerio, e quarche picco.

Dormo tutta ra nuoette in sciù l'appicco
Tutto pin de sospiri, e de doro;
Corro per boschi oura ombra, oura Pasto,
Pù da questo Paggia nò me bosticco.

Quando da puoe ro suoenno à ra mattin
Ri agnelli, e pegorette à ro bera,
O cantando me rompan ri oxellin

Nò si tosto me descio, che descia
Sento ra sciamma, onde reposo, ò fin
Moæ per dormi nò proevo, ò per veggia.