Ra cittara zeneize 1636/Cento poæra de buoæ tutti azzovæ

Da Wikivivàgna
Ra cittara zeneize de Gian Giacomo Cavallo
Lengua Zeneize
Zena, Gioxeppe Pavon, 1636
In corscivo e ligatue. Gh'amanca i acenti aguççi.


[p. 120 modifica]
LINGUA GENOVESE.


Cento poæra de buoæ tutti azzovæ
Nò doggieran ra lengua à un foreste,
Chi digghe in bon zeneize Bertome,
Amo, me cuoe, biou, parolle tæ.

Questa è particola felicitæ
A ri Zeneixi dæta da ro Ce,
D'havei parolle in bocca con l’ame,
De proferire tutte insuccaræ.

Mà ri Toschen, meschin, chi son marotti,
E che ro Ce dra bocca han bell'amaro
N'han nuoi per mezelengue, e per barbotti.

Vorræ che me dixessan se un fræ caro,
Senza staghe à meschia tenti chiarbotti,
Va per cento Fratelli, e stà dro paro.