Ra cittara zeneize 1636/A lettere de scattore ve scrivo
| ←torna a l'èndexo | Ra cittara zeneize de Amoî Çivî |
Son resoluto, Annima cara, un semme→ |
| Zena, Gioxeppe Pavon, 1636 In corscivo e ligatue. Gh'amanca i acenti aguççi. |
A lettere de scattore ve scrivo,
Minetta, in questo pezzo de pape,
Che ancuoe senz’atro vaggo à contrace,
Voeggio di che deman nò son chiù vivo.
Ra mæ morte, Minetta, à vuoi l'ascrivo,
Con tutto questo muoero vorente;
Solo vorræ poei cazeve à ri pe,
Per dive, che cosi me sottescrivo.
S'arrivo questa grazia, onde me fondo,
Fasso invo de portane ra toretta
Con meigo sotteterra in l'atro mondo.
Così sensa porta ra banderetta
De là darei de vuoi cuinto riondo
Con toccane per tutto ra trombetta.