Proze religioze do sec. XIV/Apocalypsis Ioannis XIV 1-5, Matthaeum II 13-17

←De le vertue et de li vicii

Proze religioze do sec. XIV Apocalypsis Ioannis XIV 1-5, Matthaeum II 13-17

In lo di de la Asension li fati de li apostori, Segondo Mathé→

[Apocalypsis Ioannis, XIV 1-5]

[I]n queli tempi. E Çoane si vi star un agnelo su lo monte de Syon, et con esso ceⁿto quaranta et quatro miria, chi avea^m lo nome de l'agnelo, çoè de Iesu Criste, et lo nome de lo so Paire, çoè de l'atisimo Dé, scriti in li lor fronti. Et si odì uⁿna voxe de ce^r como se odisse la voxe de monte aigue, et como d'uⁿ grande tron. E la voxe che e odì si era como se ge fosse moⁿti sonaoi, chi sonasen in le lor cedere. E si cantavaⁿ quasi como un novo canto davaⁿti la sedia de Deo, et davanti li quatro animai, et davanti li ancian. E nisun no poea dir quelo canto noma queli cento quaranta et quatro miria, li quai su^m achatai et remeuj de la te^rra. Questi su^m queli, chi cu^m le femene no se son brutai, ni lavaiaj, ma su^m tuti ve^rgeni. E questi seguen l'agnelo, Chr^iste, per tuto la donde ello va. Questi de tuti si son acate' prumé de tuti a Dé et a l'agnelo Ih^esu Chr^iste, et in la lor bocha no se trova boxia. Sença macula et sença peccao, tuti puri et tuti moⁿdi et neti, son davanti la sedia de Deo.

[Matthaeum II, 13-17]

[L']Angero de lo n^ostro Segnor, segondo che sam Mateo avangeresto recointa, si aparvì in quelo te^mpo a Josep, in soⁿno, digando: “Leva su, et piia lo Fantiⁿ et soa Maire, et fuçitene in Egypto, et state li iⁿfin a tanto che e te lo dirò. Imperçochè lo dè vegnij ancor te^mpo, che Herodes si cercherà lo Fantin per ocirlo”. Lo quar, çoè Josesep^[sic], inmantenente se levà susa de note et si preisse lo Fantiⁿ et soa Maire, et çesene in Egypto, et li stete infin a la morte de Herodes, açochè lo s'ainpise ço che a dito lo Segnor per lo profeta, chi dixe: “E si o ihamao lo me fiio de Egypto”. Herodes alaora vegando che li Magi, çoè queli treⁱ rey, si l'avean inganao, si fo monto irao, et mandà serventi et homi armai, et si fe ocie tuti li fantiⁿ chi eraⁿ in Beleme et in tute le soe contrae, chi aveivaⁿ da trei o da cinque agni in çu, segondo lo tempo che l'avea demandao et sapuo da li Magi. Alaora fo conpio ço che avea dito Jeremia profeta, chi dixea: “Ell'è staito odío in Rama una voxe, un pianto et lamento monto graⁿde, che fe Racel, chi piançee li soi fiioi. Et no s'è vosua consoraa, inperçò che elli no su^m.