Poexie zeneixi do Feliçe Santi/Papà, son chi con ti!
| ←A l’amigo Maffêo | Poexie zeneixi de Papà, son chi con ti!... |
A l’amigo Maffêo→ |
Papà, mæ câo papà, no disperate
Perché con lê a Madönna a m’ha ciammôu.
Ti pêu mai credde che vorriö scordâte,
Ti che ti m’æ cresciûo e ti m’æ cûrôu?...
Son chi con tì, papà, e no dûbitate
Che a mörte o cörpo solo a m’ha piggiôu,
Ma l’anima a lè chi, pe consolate
De tûtti i dispiaxeì che t’æ passôu.
’Mîme papà!... Son chì, in to mæ ritræto,
Che fasso ûnn-a collann-a, e che gh’infîo
E lagrime versæ che ti mæ dæto!...
Gh’infiô a tö preghiera, o tö sospîo,
Insemme a tûtto o ben che ti m’æ fæto
E - comme tante pèrle - ë pörzo a Dio!...
A l’amigo Maffêo in memoja de sö figgia a pövia Rina.