Poexie do Gioxeppe Peagallo/Idea de præ Tribûn

Da Wikivivàgna
Poexie de Gioxeppe Peagallo
Idea de præ Tribûn
[p. 88 modifica]

Idea de Præ Tribûn

Sûnetto.


Chi é Præ Tribûn? Un zoveno chi é pin
De cognizioin, d'inzëgno e de talento;
O l'ëa Diacono appenn-a vëi mattin,
Aoa o l'é Præve fæto, e o vä pe çento.

Atro che Tribûnin, che Daviddin!...
Atro che dîghe addio per complimento!...
Fra poco me porriö ciammâ contento
Se ghe baxiö l'anello e fö ûn inchin!
 
Chi é Præ Tribûn? Un mûxico, ûn geografo,
Un filosofo, ûn vate famosiscimo,
Uu letterato, ûn teologo, ûn cosmografo.
 
Che se qualcûn ne voese dûbitâ,
Ne ciammo in testimonio l'illûstriscimo
Vicäio a o Sciô Canonico Canâ.