Poexie do Gioxeppe Peagallo/A-o M. R. Melchiorre Fantini

Da Wikivivàgna
Sata a-a navegassion Sata a-a serchia
Poexie de Gioxeppe Peagallo
A-o M. R. Melchiorre Fantini
[p. 95 modifica]

A-o Molto Rev. MELCHIORRE FANTINI



Sûnetto.



Ferïo da ûn cornûtiscimo dilemma
Se contorçe Lûtero in sciö terren,
Da ûn sorite atterrôu Calvin giastemma,
Bayle colpïo da ûn entimema o sven.
Caronte intanto a tûtta forsa o remma
Per tragittâ queste anime da chen,
Meza convûlsa l'Erexia malemma
A vòrta i êuggi e a se roziggia e moen;
E che malanno gh'é chi me sovverte
L'impero, a sbraggia, e a vedde Ario e Scimon
Incontro a lê vegnî co-e brasse averte:
Semmo chêutti, dixe Ario, o ne dà a striggia
Quello can de Fantini , ûnn'indûzion
A m'ha fæto in treì pessi ûnn-a caviggia.
Anchêu piggia chi piggia,
Azzunze l'atro, hò ûn quadrilemma infiôu
In ta ganascia drita, e son stroppiôu.
Viclefo o va in sciûn lôu,
Giansenio o perde a mitra, o crïa: pietæ,
Amixi: cäi, salvemmose, scappæ.
Tornaæ, vili, tornæ,

[p. 96 modifica]

Risponde l'Erexia fæta ciù ardïa,
Ma no, no gh'é ciù tempo, a l'é finïa.
........
Fantini o te a sorprende, e c'ûnn-a sûcca
Pinn-a de scillogismi o gh'arve a nûcca.